Калкулатор за пресметка на данок на доход од капитал

Доходот од капитал и друг доход е доход кој даночниот обврзник го остварува од капитал, имот или други видови на средства кои ги поседува и тоа:

• доход од права од индустриска сопственост: обврзникот, наследник или носител на права од инудстрика сопстеност

• доход од закуп и подзакуп;

• доход од капитал: дивиденди и друг доход остварен со учество во добивката кај правните лица; камати од заеми дадени на физички и правни лица, камати од депозити, камати од хартии од вредност, друг доход од хартии од вредност или финансиски инструменти

• капитални добивки остварени (разлика помеѓу продажната и набавната цена) при продажба или размена на: недвижен имот, хартии од вредност, учество во капиталот, друг подвижен и нематеријален имот (имот без физичка содржина, кој може да се идетификува)

• добивки од игри на среќа;

• доход од осигурување и друг доход и

• друг доход кој го опфаќа доходот остварен:

- од продажба на корисен цврст отпад, со електронска трговија преку интернет, од маркетиншки интернет услуги, за износот на неискористената финансиска помош, како и кусоци во трговија кои не се предизвикани од вонредни настани (кражба, пожар или други природни непогоди), кои не се на трошок на платата на одговорносто лице

- други лични примања: донации, спонзорства, школарини, стипендии, подароци, плаќање на трошоци за сместување и превоз на сл. за невработени лица

се одначува по рамен данок од 15% и е конечно намирена обврска.

Основа за пресметување на данокот на доход од капитал и друг приход преставува бруто доход намален за износот на нормираните трошоци или стварните трошоци, доколку документирано ги докаже.

Данок на непријавениот доход се пресметува по стапка од 70%

Во текот на годината се пресметува аконтација на данокот на доход по поднесена електронска пресметка од исплатувачот (правно лице) на доходот го пресметува, задржува и плаќа данокот на доход, освен за доходот од камати од депозити. Аконтацијата на данокот на дохдот, исплатувачот ја пресметува за секој обврзник и за секој поединечно исплатен доход. Исплатувачот е должен на обврзникот да му издаде примерок од пресметката за аконтацијата на данокот на доход при секоја исплата.

Во текот на годината обврзникот (физичко лице) пресметува и плаќа аконтација на данок на доход за следните видови доход:

1) доход од закуп и подзакуп, остварен од издавање на физички лица и физички лица кои остваруваат доход од самостојна дејност, а данокот го плаќаат според паушално утврден нето доход, дипломатски, односно конзуларни преставништва на странски и држави и меѓународни организации, во случаи кога обврзникот остварува бруто доход,

2) капитални добивки,

3) доход остварен од странство

4) доход од работа во дипломатски, односно конзуларни претставништва на странски држави и меѓународни организации, кај претставници и службеници на такви претставништво кои имаат дипломатски имунитет за кои обврзникот сам го утврдува и уплатува данокот,

5) друг доход

Данок на доход НЕ СЕ ПЛАЌА на:

• камати на депозити во износ од 15.000 денари на годишно ниво;
• капитална добивка остварена од продажба на недвижен имот доколку:

- обврзникот, кој живее најмалку една година во недвижниот имот пред продажбата, го продава по истекот на три години од денот на стекнувањето;

- обврзникот го продава недвижниот имот по истекот на пет години од денот на стекнувањето;

- обврзникот го продава недвижниот имот стекнат по основа на наследување или подарок кој е ослободен од плаќање данок согласно одредбите од Законот за даноците на имот;

- обврзникот го продава недвижниот имот стекнат по пат на денационализација и

- доходот е остварен од продажба извршена помеѓу брачните другари, како и од страна на брачните другари, извршена на трето лице во случај кога продадениот недвижен имот е во непосредна поврзаност со разводот на бракот.

• на добивките од општите игри на среќа, ако поединечната исплата на добивката не го надминува износот од 5.000 денари.
• уплатени примии за колективно осигурување за вработените лице кои ги плаќа работодавачот за повреди на работа и за обврзникот кој остварува доход од самостојна дејност.

Калкулаторите се од информативен карактер за пресметка на данок на доход од труд и истите не може да се користат за други цели.